new BB1

சுவையான பேங்கன் கபர்த்தா ரெடி!

Loading...

A1737_09
தேவையானபொருட்கள்
கத்தரிக்காய் – 3
வெங்காயம் – ஒன்று
தக்காளி – 2
தயிர் – ஒரு கப்
இஞ்சி – ஒரு துண்டு
பூண்டு – ஒன்று
மிளகாய் தூள் – ஒரு தேக்கரண்டி
மல்லிதூள் – 2 தேக்கரண்டி
மஞ்சள் தூள் – கால் தேக்கரண்டி
சீரகத்தூள் – ஒரு தேக்கரண்டி
தாளிக்க:
கடுகு, உளுந்து – ஒரு தேக்கரண்டி
பட்டை, ஏலக்காய், லவங்கம், பிரிஞ்சி – தலா ஒன்று
சீரகம் – கால் தேக்கரண்டி
கடலைபருப்பு – அரை தேக்கரண்டி
கறிவேப்பிலை – ஒரு கொத்து
வரமிளகாய் – 3
பச்சைமிளகாய் – 2

செய்முறை
கத்தரிக்காயை சிறிதாக நறுக்கிக் கொள்ளவும். வெங்காயம், தக்காளியை நறுக்கிக் கொள்ளவும். இஞ்சி பூண்டை பொடியாய் நறுக்கிக் கொள்ளவும், அல்லது துருவிக் கொள்ளவும்

பாத்திரத்தில் எண்ணெய் விட்டு தாளிக்க கொடுத்துள்ள பொருட்களை போட்டு வறுத்துக் கொள்ளவும்.

அதன் பின் துருவிய இஞ்சி, பூண்டு சேர்த்து பச்சை வாசனை போக வதக்கவும்.

பின்னர் தக்காளி மற்றும் வெங்காயம் சேர்த்து வதக்கவும்.

வெங்காயம் நிறம் மாறியதும் தூள் வகைகளை சேர்த்து வதக்கவும்.

தயிர் மற்றும் உப்பு சேர்த்து எண்ணெய் பிரியும் வரை வதக்கவும்.

அதன் பின் கத்தரிக்காய் சேர்த்து ஒரு டம்ளர் நீருடன் வேக வைக்கவும்.

கத்தரிக்காய் வெந்ததும் கொத்தமல்லி மற்றும் மிளகுதூள் தூவி ஒரு முறை கிளறி பின்னர் இறக்கவும்.

பேங்கன் கபர்த்தா தயார். சாதத்துடன் பிசைந்து சாப்பிட அருமையாக இருக்கும். சாம்பார், ரசம் போன்றவற்றுடன் அருமையாக ஜோடி சேரும்.

Loading...

728

2