new BB1

செட்டிநாடு மட்டன் பிரியாணி

Loading...

Chettinadu_Muttan_Biriyani_335x282

தேவையான பொருட்கள்:-

​பாஸ்மதி – 4 கப்
அரிந்த வெங்காயம் – 2
அரிந்த தக்காளி – 2
கறிவேப்பிலை – சிறிதளவு
தயிர் – 1/2 கப்
நெய் – 2 டேபிள்ஸ்பூன்
உப்பு+எண்ணெய் = தேவைக்கு

மட்டனில் வேகவைக்க:
மட்டன் – 1/2 கிலோ
வரமிளகாய்த்தூள் – 2 டீஸ்பூன்
மஞ்சள்தூள் – 1 டீஸ்பூன்
இஞ்சி பூண்டு விழுது – 1 1/2 டீஸ்பூன்
கறிவேப்பிலை – சிறிதளவு

அரைக்க:
காய்ந்த மிளகாய் – 2
பச்சை மிளகாய் – 2
சின்ன வெங்காயம் – 10
பூண்டு – 10
சோம்பு – 1 டீஸ்பூன்
கிராம்பு – 2
ஏலக்காய் – 2
இஞ்சி – 1 சிறுதுண்டு
புதினா – 1 கைப்பிடி

தாளிக்க:
பிரியாணி இலை – 2
கிராம்பு – 3
பட்டை – 1 துண்டு
ஏலக்காய் – 2
சோம்பு – 1 டீஸ்பூன்

செய்முறை:

குக்கரில் சிறிது எண்ணெய் விட்டு மட்டனில் வேக கொடுத்துள்ள பொருட்களைப்போட்டு சிரிது உப்பு+ 1 1/2 கப் நீர் விட்டு 3 விசில் வரை வேக வைக்கவும்.

அரைக்க கொடுத்துள்ளவைகளை நைசாக அரைக்கவும். அரிசியை கழுவி 10 நிமிடம் ஊறவைக்கவும்.

கடாயில் 1 டேபிள்ஸ்பூன் நெய் விட்டு அரிசியை 5 நிமிடம் வதக்கி தனியாக வைக்கவும்.வேகவைத்த மட்டனிலிருந்து மட்டனை தனியாகவும்,தண்ணியை அளந்து வைக்கவும்.

குக்கரில் மீதமுள்ள நெய்+எண்ணெய் விட்டு தாளிக்க கொடுத்துள்ள பொருட்களைப் போட்டு தாளித்து வெங்காயம்+கறிவேப்பிலை+அரைத்த மசாலா+தக்காளி+மட்டன்+தயிர் அனைத்தையும் ஒன்றன் பின் ஒன்றாக போட்டு வதக்கவும்.

4 கப் அரிசிக்கு 6 கப் தண்ணீர் வைக்கவேண்டும்.மட்டனில் வேகவைத்த நீரின் அளவுடன் மீதி அளவு நீர் விட்டு கொதிக்க விடவும்.உப்பு+புதினா சேர்க்கவும்.

தண்ணீர் கொதிக்கும் போது அரிசி சேர்த்து ஆவி வந்ததும் வெயிட் போட்டு 10 நிமிடத்தில் இறக்கவும்.

ஆறியதும் மல்லித்தழை தூவி ராய்த்தாவுடன் பரிமாறவும்.

Loading...
728
2