new BB1

உங்கள் கூந்தல் எந்த வகை

Loading...

ஹேர் ஆயில் மற்றும் ஷாம்பு விளம்பரங்களில் தோன்றுகிற மாடல்களின் கூந்தல் போல அலை அலையான, பட்டுப் போன்ற கூந்தலை பெற எல்லோருக்கும் ஆசை இருக்கும். ஆனால் பலருக்கும் கூந்தல் அப்படி அமைவதில்லை. கூந்தலின் தன்மையை பொறுத்தது. கூந்தலின் வளர்ச்சியில் பாரம்பரியத் தன்மையை தவிர, உணவு, பராமரிப்பு போன்றவற்றுக்கும் பங்குண்டு.

உங்கள் கூந்தல் எந்த வகை

கூந்தலின் தன்மை என்பது பெரும்பாலும் பரம்பரைத் தன்மையை பொறுத்ததே. சுருள் சுருளாக அடர்த்திக் கூந்தலோ, அடங்காத முரட்டுக் கூந்தலோ, சொன்னபடியெல்லாம் கேட்கும் அழகுக் கூந்தலோ… எதுவானாலும் அதன் பின்னணியில் பாரம்பரியத்துக்கு பெரும்பங்கு உண்டு. சாதாரண கூந்தல், வறண்ட கூந்தல் மற்றும் எண்ணெய் பசையான கூந்தல் என 3 வகைப்படும். உங்கள் கூந்தல் எந்த வகை என்பதை நீங்களாகவே கண்டுபிடிக்கலாம்.

சாதாரண கூந்தல் உள்ளவர்கள்
தினமுமோ, ஒரு நாள் விட்டு ஒருநாளோ கூந்தலை அலசலாம். சாதாரணக் கூந்தலுக்கான கண்டிஷனர் மட்டுமே உபயோகிக்க வேண்டும். தினமும் 2-3 முறை பிரஷ் செய்ய வேண்டும். அது மண்டைப் பகுதியில் உள்ள எண்ணெய் சுரப்பிகளைத் தூண்டிவிடும். அளவுக்கு அதிகமாக தலைக்கு குளிப்பதை தவிர்த்தல் நல்லது. அது அவர்களின் மண்டைப் பகுதியில் உள்ள இயற்கையான எண்ணெயை நீக்கி, சாதாரண கூந்தல் வறண்ட கூந்தலாக மாறக்காரணமாகி விடும்.

வறண்ட கூந்தல் உள்ளவர்கள்
தலை குளிப்பதிலேயே இவர்கள் கவனம் காட்ட வேண்டும். நன்றாக, சுத்தமாகக் குளிப்பதாக நினைத்து கொண்டு நிறைய ஷாம்புவை எடுத்து தலையில் பரபரவென தேய்த்து குளிப்பார்கள் சிலர். அப்படி செய்வதன் மூலம் மண்டைப் பகுதியில் உள்ள இயற்கையான எண்ணெய் பசை நீங்கி, கூந்தல் மேலும் வறண்டுபோகும். சீக்கிரமே கூந்தலின் நுனிகள் பிளவு பட்டு, உடைந்து, உதிரும். தினசரி தலை குளிப்பதையும் தவிர்க்க வேண்டும். தலை குளிப்பதற்கு முன் மிதமான ஆயில் மசாஜ் செய்துவிட்டு, வறண்ட கூந்தலுக்கான ஷாம்பு உபயோகித்து கூந்தலை அலசலாம்.

எப்படி?

தலைக்கு குளித்தது ஈரம்போகத்துடைத்த கூந்தலை 2 நாட்களுக்கு அப்படியே விட்டுவிடவும். அதாவது அந்த கூந்தலின் எண்ணெய் வைக்காமல், மறுபடி தலைக்குக் குளிக்காமல் இருக்கவும். 3வது நாள் உங்கள் கூந்தலை பாருங்கள். விரல்களை கூந்தலின் இடையே நுழைத்துக்கோதி விடுங்கள். பிசுபிசுப்புத் தன்மையோ, வறட்சியோ தெரியாமல், கூந்தல் சுத்தமாக இருப்பது போல தோன்றினால் உங்களுடையது சாதாரண கூந்தல். விரல்களை நுழைத்துப் பார்க்கும் போது, கூந்தல் கரடுமுரடாகக் காணப்பட்டாலும், நகங்களில் வெள்ளைத் துகள் தென்பாட்டாலோ, பொடுகு மாதிரி உதிர்ந்தாலோ உங்களுக்கு இருப்பது வறண்ட கூந்தல்.

கூந்தலில் எந்தப் பொலிவும் இல்லாமல், பளபளப்பே இல்லாமல் காணப்படும். எண்ணெயே தடவாமல், எண்ணெய் பசை தென்படும். விரல்களில் வெள்ளையான பிசுபிசுப்பான பசைத் தன்மை தெரியும். அப்படியென்றால் உங்களுடைய கூந்தல் எண்ணெய் பசையானது. கூந்தல் எப்போதும் எல்லோருக்கும் ஒரே மாதிரி இருப்பதில்லை. பருவநிலை மாற்றங்களுக்கேற்பவும் கூந்தலின் தன்மை மாறும். குளிர்காலத்தில் வறண்டிருக்கும். வெயில் காலத்தில் எண்ணெய் பசையுடன் இருக்கும்.

Loading...
728
2