new BB1

வெயில் காலத்தில் முகத்திற்கான அழகு குறிப்பு

Loading...

வெயில் காலத்தில் முகத்திற்கான அழகு குறிப்புபெரும்பாலும் கோடையில் சருமத்தை அதிகம் பாதுகாக்க வேண்டியுள்ளது. ஏனென்றால் வெயிலின் கதிர் வீச்சுகள் நேரடியாக முகத்தின் மீது படும் போது தோல் கருப்பதற்கு அதிக வாய்ப்புள்ளது.

கோடைக்கு ஏற்ப உணவு பொருட்களை எடுத்துக் கொள்வதன் மூலம் வெயிலின் தாக்கத்திலிருந்து சருமத்தை பாதுகாக்கலாம். சருமத்தை பாதுகாக்க சில வழிமுறைகள்.

பப்பாளி.

வைட்டமின் சி அதிகம் நிறைந்த பப்பாளியை அரைத்து சருமத்தில் தடவினாலோ அல்லது அதனை சாப்பிட்டாலும், சருமம் மின்னும். ஏனெனில் அதில் உள்ள பாப்பைன் என்னும் நொதியானது, சருமத்தில் உள்ள இறந்த செல்கள் மற்றும் பழுதடைந்த செல்களை புதுப்பிக்கும்.

பால்

பால் சருமத்தை சுத்தம் செய்து புதிய செல்கள் வேகமாக உருவாக உதவும். வெளியே செல்லும் பெண்கள் காய்ச்சாத பாலை தினமும் 2 டேபில் ஸ்புன் எடுத்து முகத்தில் போட்டு 5 நிமிடம் கழித்து கழுவலாம்.

புதினா

புதினாவை சருமத்திற்கு பயன்படுத்தினால், சருமத்தில் உள்ள அழுக்குகள் அனைத்தும் நீங்கி, சருமம் பொலிவாக இருக்கும். அதற்கு புதினா சாற்றை சருமத்தில் தேய்த்து, சிறிது நேரம் மசாஜ் செய்து கழுவ வேண்டும். இதனால் சருமத்தில் அழற்சி இருந்தாலும், அவை அனைத்தும் குணமாகிவிடும்.

மஞ்சள்.

மஞ்சளில் மருத்துவப் பண்புகள் நிறைய உண்டு. தோல் வியதி, சரும வியதி போன்றவற்றை குணப்படுத்தும் இயற்கை மருந்தாகும். சருமம் மினுமினுப்பைக் கொடுக்கும்.

வால்நட்ஸ்

மூக்கு மற்றும் தாடையை சுற்றியிருக்கும் இறந்த செல்களை போக்குவதற்கு, வால்நட்ஸை அரைத்து பேஸ்ட் செய்து, சருமத்தில் தடவி ஸ்கரப் செய்தால், சருமத்தில் உள்ள அழுக்குகள் அனைத்தும் நீங்கி, சருமம் அழுக்கின்றி சுத்தமாக இருக்கும்.

தேன்

தேன் சருமத்தை மிருதுவாக்கவும், பொலிவாக்கவும் பயன்படுகிறது. விழாக்களுக்கு செல்லும் போது பேசியல் செய்ய முடியாதவர்கள் தேனுடன் சர்க்கரை சேர்த்து பேஸ் பேக் போட்டால் முகம் பள்ளிச்சென்று இருக்கும்.

லெமன்

சருமத்தில் உள்ள அழுக்குகளைப் போக்குவதற்கு ஒரு சிறந்த வழியென்றால், அது எலுமிச்சையை பயன்படுத்துவது தான். மேலும் எலுமிச்சை சருமத்தின் கருமையைப் போக்கவல்லது. எனவே இரவில் படுக்கும் முன், எலுமிச்சை சாற்றை சருமத்திற்கு தடவி மசாஜ் செய்து கழுவி, பின் ஏதேனும் ஒரு எண்ணெயால் சருமத்தை மசாஜ் செய்து கொள்ள வேண்டும்.

தக்காளி

தக்காளி இறந்த செல்களை அகற்றி மேனியை பளபளப்பாக்கும். நேரம் கிடைக்கும் போதெல்லாம் முகத்தில் தடவி 5 அல்லது 10 நிமிடங்கள் ஊற வைத்து கழுவலாம். முகம் பளபளப்பாகவும், தோற்றத்திற்கு அழகாகவும் இருக்கும்.

தயிர்

சரும வறட்சியை நீக்க ஒரு சிறந்த முறையென்றால், தயிரை சருமத்தில் தடவி 15 நிமிடம் ஊற வைத்து, வெதுவெதுப்பான நீரில் கழுவ வேண்ம். இந்த முறையை ஒரு மாதத்திற்கு தொடர்ந்து செய்து வந்தால், அதன் பலன் நன்குதெரியும்

Loading...
728
2